السؤال الفلسفي الاهم منذ فجر قيام البشرية, والذي حير ارسطو و فعفل افلاطون و لعب على مشاعر نيتشيه, هو "ليش الله خلق القارص؟"
انه الي بنط يقولك لاكمال دورة الحياة العظمى والي بنط وبقول اكيد في سبب و بس الله بعرفه, بس احلى اشي الي بقول "ابتلاء من عند الله" او "امتحان", انه يا سلاااااااام, (ايوا يا وديع, من الاول يا وديع, بلشت تفهم يا وديع)!
المهم في عدة شغلات مشتركة بكل القارص:
1) مرات بعد ما تعوف رب القارص و هو يفتل فوق ذانك, بتقول خلص بدي اعطي القارصة ايدي, وتقرصني عل سريع, توخذ وجبة الدم الي بدها اياها, وتعف عني!
بس هات اشوف تشبع, القارص جشع طماع, كل القارص هيك!
2) القارص اناني, اذا انتبهتو, ولا مرة بقرصوك قارصتين بنفس الثانية!
3)القارص مقارنة بالذبان, زي واحد مدهن وزنه 150 كيلو قبال واحد بلعب رياضة كل يوم!
طبعا, اكيد كل واحد فينا فات بحرب مع الباعوض باحد ليالي حياته!
بتكون قاعد عل حاسوب بامان الله, فجاة بتيجي عليك قارصة, بتقول معلش قارصة, فش فيها مخ "الله يسامحها" شوي بتطير و بتيجي اختها, شوي بتلاقيها بتعزم كناينها و جاراتها و القبيلة كلها!
بس انت بتحكي مع بنت الي كثير مهتم الها, وبتقول "خلص الله بعين, اسا بشبعوا وبروحوا" وانت بتبلش تفكر انه بجوز مع الوقت يصير عندك مناعة و تبطل تحس بقرصات القارص!
بس الي بفجر الوضع, والقشة الي بتكسر ظهر البغل, انه قارصة وقحة سافلة, تفوت ع ذانك, تقولك "ويــــــزززززز" و تطلع!!!!!!! انه قمة الوقاحة, انه مش انه فاتت بذانك لهدف! لا فاتت تعمل "ويـــــززز" و تطلع!!!
فوقتها بتقبع مع ربك!
بتقول للصبية "BRB", بتضوي اللامبة, بتقفل كل الغرفة, بالمفتاح "ابصر لي!!", وبتحمل سلاحك "بالعادة السلاح التقليدي بشكير ابيض متوسط الحجم"!
القضية بالحرب مع القارص في غرفتك, انه قبل ما تبلش الحرب, بتحاول تعمل احصائيات لعدد القارص, فنفرض بطلع معك 15 قارصة, بتبلش حربك الضروس وبتعد 10 ضحايا بطرف العدو وقرصتين بطرفك, ااايه,بترجع تعد القارص 11!! بترجع بتقتل 17 قارصة(يعني المفروض صار عددهن بالمينوس!! او جابو امدادات بالباراشوت) بتعد الا هو في قارصتين, وقد ما تقتل بضل في القارصة الخبيثة, (حسب اكتشاف اينشتين, قتل القارص هو الجوريتم بسيبوخيوت log n)
اسا خلال الحرب في عدة انواع قارص:
1)في القارص الي بكون عل حيط وين الحيط مدهون ابيض(يعني اذا مش شايفني شوفني), هاد رب دين الغباء, هاد القارص الغبيّ
2)في القارص الي بقضيها على السقف وشكله من قعدته شبعان, وبس تقتلوا بكون كله دم, هاد القارص البرجوازي!
3)وفي القارص الي بهجم عليك, ما بتشوفو الا هو على ايدك او بنص خشمك!!! هادول الشجعان هني يا البروليتاريا يا المجاهدين!
4)والقارصتين المناضلتين, هدول الي لو شو ما تعمل, ولا ربك, بضلوا بعد المعركة!! بنفع برضه نسميهن طبقة فلسطينيي الداخل!
طيب حكينا كتير عن القارص الليلة "ينعل ديـــــنك!!!!!!" في قارصة مرقت من قدام الشاشة اسا!!
طيب نروح نحكيلنا اشي غير!!
يلا ليلة موفقة, وكل وااحد يوخد باله من القارص الي حواليه!
انه الي بنط يقولك لاكمال دورة الحياة العظمى والي بنط وبقول اكيد في سبب و بس الله بعرفه, بس احلى اشي الي بقول "ابتلاء من عند الله" او "امتحان", انه يا سلاااااااام, (ايوا يا وديع, من الاول يا وديع, بلشت تفهم يا وديع)!
المهم في عدة شغلات مشتركة بكل القارص:
1) مرات بعد ما تعوف رب القارص و هو يفتل فوق ذانك, بتقول خلص بدي اعطي القارصة ايدي, وتقرصني عل سريع, توخذ وجبة الدم الي بدها اياها, وتعف عني!
بس هات اشوف تشبع, القارص جشع طماع, كل القارص هيك!
2) القارص اناني, اذا انتبهتو, ولا مرة بقرصوك قارصتين بنفس الثانية!
3)القارص مقارنة بالذبان, زي واحد مدهن وزنه 150 كيلو قبال واحد بلعب رياضة كل يوم!
طبعا, اكيد كل واحد فينا فات بحرب مع الباعوض باحد ليالي حياته!
بتكون قاعد عل حاسوب بامان الله, فجاة بتيجي عليك قارصة, بتقول معلش قارصة, فش فيها مخ "الله يسامحها" شوي بتطير و بتيجي اختها, شوي بتلاقيها بتعزم كناينها و جاراتها و القبيلة كلها!
بس انت بتحكي مع بنت الي كثير مهتم الها, وبتقول "خلص الله بعين, اسا بشبعوا وبروحوا" وانت بتبلش تفكر انه بجوز مع الوقت يصير عندك مناعة و تبطل تحس بقرصات القارص!
بس الي بفجر الوضع, والقشة الي بتكسر ظهر البغل, انه قارصة وقحة سافلة, تفوت ع ذانك, تقولك "ويــــــزززززز" و تطلع!!!!!!! انه قمة الوقاحة, انه مش انه فاتت بذانك لهدف! لا فاتت تعمل "ويـــــززز" و تطلع!!!
فوقتها بتقبع مع ربك!
بتقول للصبية "BRB", بتضوي اللامبة, بتقفل كل الغرفة, بالمفتاح "ابصر لي!!", وبتحمل سلاحك "بالعادة السلاح التقليدي بشكير ابيض متوسط الحجم"!
القضية بالحرب مع القارص في غرفتك, انه قبل ما تبلش الحرب, بتحاول تعمل احصائيات لعدد القارص, فنفرض بطلع معك 15 قارصة, بتبلش حربك الضروس وبتعد 10 ضحايا بطرف العدو وقرصتين بطرفك, ااايه,بترجع تعد القارص 11!! بترجع بتقتل 17 قارصة(يعني المفروض صار عددهن بالمينوس!! او جابو امدادات بالباراشوت) بتعد الا هو في قارصتين, وقد ما تقتل بضل في القارصة الخبيثة, (حسب اكتشاف اينشتين, قتل القارص هو الجوريتم بسيبوخيوت log n)
اسا خلال الحرب في عدة انواع قارص:
1)في القارص الي بكون عل حيط وين الحيط مدهون ابيض(يعني اذا مش شايفني شوفني), هاد رب دين الغباء, هاد القارص الغبيّ
2)في القارص الي بقضيها على السقف وشكله من قعدته شبعان, وبس تقتلوا بكون كله دم, هاد القارص البرجوازي!
3)وفي القارص الي بهجم عليك, ما بتشوفو الا هو على ايدك او بنص خشمك!!! هادول الشجعان هني يا البروليتاريا يا المجاهدين!
4)والقارصتين المناضلتين, هدول الي لو شو ما تعمل, ولا ربك, بضلوا بعد المعركة!! بنفع برضه نسميهن طبقة فلسطينيي الداخل!
طيب حكينا كتير عن القارص الليلة "ينعل ديـــــنك!!!!!!" في قارصة مرقت من قدام الشاشة اسا!!
طيب نروح نحكيلنا اشي غير!!
يلا ليلة موفقة, وكل وااحد يوخد باله من القارص الي حواليه!
لازم تكتب تحذير عند هاي التدوينة :
ردحذفتحتوي على قارص قد يسبب الإدمان ؛)
هاي اول شي قرأت لك إياه وعلقت براسي .!!!