لملمـات

إسـرح..

حط السماعات، شغل الموسيقى، ملي اذانيك الحان، ميل راسك عل شباك، واسرح...

غمض عينيك، ارجع فتح عينيك، وتخيل حياة جديدة، حياة كان ممكن تكون، لكنها مش رح تكون، بالغ بشعور السعادة، بالغ بالتفاؤل، ابني علاقاتك اصحابك اشغالك واعمالك، عيش الدنيا وحس فيها، اسقع احمى وطير، حس، اسرح.

فجاه الالحان بتنقطع، تلفونك برن، بتصحى، نظرة حواليك وبتتذكر وين انت، بالباص من الجامعه للبيت.

رد عل تلفون، احزن، او افرح، ارجع للواقع، تذكر علاقاتك اصحابك اشغالك واعمالك، تذكر التزاماتك وموقعك، وبالرحلة الجاي، اسرح...///

موسيقى الصعـود\ او اللا صعـود

للنهايات اكبـر وقـع, لذلك لنهـايتي لما تيـجي, قررت انه هاي الموسيقى تكون الخلفية, لاعطاء اكبـر وقع لحياة مهما كانت, انا هيك بصـعد\او لا... مبـسوط!

للتحميل لجودة اعلـى: هنا

Social alienation

اسا عم بفهم ايش قصدت نجوى ب"عم برجف قلبي", ولكن افكر انه عم نحكي عن نوع مختلف من الرجفة.

فاهم كتيـر فيروز وضيقان خلقها, فرقة جدل والعيشة بغابة, حاسس بالشوق الي ام كلثوم مش قده, يمكن كمان فاهم صـراحة زياد, او حتى التغيير حسب شربل روحانا. فجأه صرت افهم كتـير اغاني.

بس الاشي الي مش قادر افهمه هو هاد الفراغ العميق الداخلي المـحايد, بتحايد كلشي الا صورك وذكرياتك, حاسه زي الميـاه الاقليمية, وفش سفن غير سفنك. فراغ خالي من الاحاسيس وملان منها.

وبين حالة ال Social alienation والفراغ العاطفي الي حكينا عنه فوق, ضاعت الفواصل ,,,,

ضياع طفل

اليوم اكتشفت انه طفولتي تحطمت، جربت ٣ مرات عبين ما غدرت افتح التروبيـت!! :(

ميلانوخيا...عل طريـق

مسودات قديمة ضائعة

مسودات كانت ضايعة بمجلدات حاسوبي المنوعة, بتذكرني بشي احساس بشي لحظة عشوائية:

موجة تفكير انكليزية

Live in Tel Aviv once, but leave before it makes you hard; Live in Haifa once, but leave before it makes you soft; Leave your hometown, it will be a good place to visit when its tough; Travel, but not too much, the more you travel the harder for you to settle! //

Revised from:

شو مع الحب؟

قلتيلي انساكي, وكتير قالولي انساكي, كتير فكرت انساكي, ونسيتك, ورجعت تذكرتك!

كنت احبّك, ضليت احبّك, وبحبّك!

كثيرة هي الاشياء الي بعد بدي احكيلك اياها, لك شو مع انه؟ جملة كل ما تنذكر بتذكرك!

حبيتك وحبيتيني, وقلتيلي الحب عمره ما بكفي, جربنا بدل المرتين ثلاثة!

بس شكله عنجد, الحب لوحده ما بكفي!

واسا اجا وقت الجد, وصلنا لطريق مسدود, وافترقنا بالتراضي!

نسينا, ورجعنا تذكرنا, وبنفع نرجع ننسى!

بس شو مع الحب؟

انه صحيح الحب ما بكفي لعلاقة, بس شو مع انه بكفي لشي "حزنة" بشي ليلة صيفية كئيبة!

حِدِق...

-بتكرهيني؟

-ليه بدي اكرهك؟

-هيك الشعور

-لا عزا بحبك

-مهو عشان هيك

-بكرهك ع فكرة

غير معنون, كذلك انت!

كان يوم ولادتي حينها, لا اعلم اهي فكاهتي الصبيانية الساذجة ام حبك للحياة (او عشق الحياة لك) هو ما ولّد لحظة إبتسام الوجود لي (إبتسامك), لحظة رفعت الى اعالي الكون ونَصًّبتٌ نفسي شبه الله.

كانت هذه بداية البداية, ولادتي من حياة الموت الى حياة الحياة.

هكذ اذكر اول لحظة في حبك, ... 

في الامس كنت عاشقاً افلاطونياً, كنتِ انتِ شمسي في الافق البعيد, اقطع كل المسافات راجيًا الاحتراق في نور هواكِ.

واليوم انا عبدك االمتزهد حبيبتي, الاهتي لا الهتي, وان كان الله غيرك فهو ضلال

حبك ايماني الوحيد, شوقك عبادتي, قبلاتك صلاتي ودموعي في سبيلك قرابيني, روحي على محرابك مقدمة ذبيحة في كل غياب شمس حبك!

اما صومي فااااه على صومي. البس الابيض فاكتسي بالثرى الى حيــن, فتعودي بندائك تحييني!

انا لست بكافر يا مولاتي, لكن حبك اكبر من التحجيم!

سحر الامتحانات

للامتحانات في كيمياء غريبة, طريقة سحرية لمخاطبة احاسيسك وافكارك!

كيف ممكن لامتحان واحد, يقلب حياتك ويغير نظرتك للحياة, لحالك لمستقبلك, يرجعلك بالتراضي, الثقة الي انسلبت منك بالغصب!

كيف ممكن لدراسة لامتحان معين ثاني, تخليك تحضر لعبة تنس (وللمفاجاة ما تحس بالزهق), واللعبة اصلا للعيبة اول مرة بتسمع فيهم!(فيش ضد فيرير)

كيف ممكن ملحد مثلي, لما يتفاجىء بعلامة كان يتوقعها كتير عاطلة, وتطلع كتير منيحة, لامتحان درسله كتير منيح, يقول بسره: "الله, اذا انت موجود بشي محل! فبحب اقلك من كل قلبي اني بتشكرك, الله ما بظلمني".

بلا براءة بلا رهف

لاحظت اشي غريب خلال مسيرتي للبيت الليلة, خطواتي غلط على حجار الرصيف, مش عم بمشي (طرف طرف نص طرف طرف)(لعبة كنت مفكر انه انا الوحيد الي بلعبها خلال المشي, بس طلعت اشي رائج بين الناس), انما خطوات مبعثرة ان دلت على شيء بتدل على عدم السكون الداخلي فيي, فانتبهت للقضية الي شاغلة بالي!

الي شاغل بالي كان انه عم بحس الناس الي حولي عم بتكبر, وانا بعدني علقان بنفس المحل على خارطة الحياة, وحاسس الوقت سريع ومش عم بسأل عني او عن ناسي, بالعكس عم بسحبهم معه, وبتركني لحالي, ذكرني بمراحل معينة من طفولتي لما كان في اولاد من جيلي يقولولي خلص ولدنة ,والاشي الي عملته هو اشي عملنا سوا قبل يومين!

فحاولت افكر بالاشياء الي محسستني بهيك شعور بشع, فلقيت انه اشياء كثيرة عم بعملها او بحاول اعملها او بحسها, هي اشياء مش ملائمة لانسان بجيلي (العادي والجامعي), فمثلا انه انبسط وترتسم على وجهي بسمة بالوحدة لانه الدنيا امطرت بوضع معين واعتباري للاشي "حفيا", هو اشي طفولي كثير, او حبي لدرجة كبيرة لمسلسل "كيف قابلت امك؟" صار يعتبر "عيشة بفيلم" الي لازم اطلع منه!

عم بحس كل الي حولي بكبروا, وانا بعدني محافظ ع براءة الطفولة الي فيي, وعلى رهف المراهقة, وعلى طيش الشباب بسنتهم الاولى بالجامعة!

عم بحس انه العالم محل غير ملائم لهيك طيش ورهف وبراءة, ويوم عن يوم بحس انه نظريتي الي بتقول انه "كل بني ادم مش منيح حتى يثبت العكس" مزبوطة اكثر واكثر, عم بحس كتير بس مش عارف الاقي حالي بين هاي الاحاسيس, حاسس حالي ضايع بين ترجمة كلمات الحياة, ودبلجة كلام البشر, بس من هون لعبين ما الاقي حالي, بدي اضل طفل طايش مرهف عايف التنك!

الإحتمالات

1) لو دمجنا نظرية علم الاحتمالات المسماة بالتوزيع الطبيعي, مع 7 مليارد انسان على وجه الكرة الارضية مع انحراف مقدر باكم مليون, بنتج عنا كثير شغلات, اهمها انه في زيك مليون, وزييها وزيو!

2) لو اخذنا نصيحة دكتور "كوكس" ل "جي دي" بانه: علم الاحتمالات لا ينطبق على الفرد!

3) لو فرضنا انه العلوم اشي مدروس وضروري وعام!

4) وفرضنا انك مفكر انك مش عادي, او هي مش عادية!

5) وفرضنا انك متمكن من المنطق!

لوجدنا انك تايه توها اخت عرص {حكمة}

بس مش عـادي...

السيجارة ال19

حرقت السيجارة ال 19 لليوم...بعترف...مكنش عندي غير هل فكرة عشان ابلش اكتب...واسا خلصت الفكرة!

وضليت بدون فكرة...بس واقع اني بدون فكرة...هو فكرة عبقرية بحد ذاتها!

الانسان مش ممكن يكون لدقيقة فش عنده فكرة, بس ممكن كتير انه دفاعاته النفسية شغالة على قدم وساق حتى تدفن كل افكاره!

دفين افكاري, اشياء مزعجة, بضل ادفن فيها, ادفن فيها, بس شي مرة رح تخلص الجورة, وتتملا وتبلش تفيض, وكل فكرة بتمسك معها اختها الفكرة الثانية, فبحدث انفجار!

فحذاري من انفجاري (كيف الدرويشيات معي)!

مش عارف دفني لافكاري, هو ممارسة صحية لتطوير شخصيتي وعدم الانجرار وراء صغائر الامور, او اني دَفّين ماهر, دَفّين دفين بحالة انسانية غير حالته!

السؤال الي بطرح نفسه متفعفلا على الارض ويتدحرج قائلا: هل هيك حالة هي ممارسة اغتصابية لشخصيتي الحقيقية؟

 انه اذا الفكرة فكرتي, فما في سبب ادفنها, والا بكون تعدي على الانا اللحظي الي بهديك اللحظة!

خلاصته, قبل ما انجن, بدي انجن!

وحذاري, حذاري من انفجاري :P

اتعلم الثقة!

كثيرة هي مشاكلي مع الثقة, حياتي القصيرة كانت ملاني بطعنات الظهر عشتها او شفتها بعيني او حتى سمعتها, اصلا الحياة هي اكبر مدرسة لعدم الثقة!

عدم ثقتي باي اشي بالدنيا, تشكيكي بكل شغلة, حتى خضار اللون الاخضر مثلا, بدأت كثير تتعبني بحياتي, دخت بين 4 حيطان, حسيت حالي عم بفقد انسانيتي بشي زاوية عل طريق, وعم بتحول لشي ماكنة مبرمجة!

ولانه الانسان هو افضل بسيخولوج لنفسه, فقعدت مع حالي قعدة رجل واحد, وتأملت بالدنيا, تأملت بالناس, بتصرفاتهن, بثقتهم بالانسان!

بالنهاية استنتجت, طلعت بالحل, لقيت كبسة "تفعيل الثقة",  لقيت مفتاح صندوق بانادورا!
لقيت انه الانسان بحاجة عل اقل لحد ادنى من الناس الي يثق فيها, والا فقد انسانيته.

وبما اني اخترت الحد الادنى وهو شخص واحد كعدد الموثوق فيهم, وبما انه عندي مشكلة مع مبدأ الثقة او الكلمة, قررت اسمي ثقتي بشخص واحد ووحيد باسم "ايمان", كل واحد فينا بحتاج يأمن باشي, مهما كان انسان جبار, بالنهاية رح ينكسر بدون ايمان باشي واحد عل اقل, وبما انه مش رح اؤمن بقصص خيالية وشخصيات مخترعة, فقررت أؤمن بشخص واحد ووحيد, والشخص هاد هو الانسانة الي بحبها, هي ايماني بمعنى البشرية وايماني بالصح والغلط, ايماني انه الحياة بتستاهل, ايماني بانها اهل للثقة!

هل ممكن ايماني فاشل, هل ممكن انه مش بمحله؟  ممكن!

والالم الي رح يحصلي؟ مستعد ادفعه بسرور! (I'll pay it gladly)

واخيرا لقيت الثقة, كان كثير متأخر بس اتعلمتها!   اسا الوقت الاقي البنتJ

فصل الختام, بترككم مع مقطع من فيلم "Equilibrium", فيلم بحكي قصة ليبريا, دولة قامت على انقاض العالم بعد الحرب العالمية الثالثة, البشر عرفوا انه اذا صار حرب عالمية رابعة, فالبشرية رح تهلك, لذلك بخترعوا دوا بقيم المشاعر من البشر, فاول الفيلم بدور حديث بين بريستون (البطل) وصاحبه, وبعدها بقتله لانه عنده مشاعر, فهذا الحديث الي دار بينهم قبل ما يقتله:

John Preston: There's no war. No murder.
Partridge: What is it you think we do?
John Preston: No. You've been with me, you've seen how it can be - the jealousy, rage.
Partridge: A heavy cost. I pay it gladly. 

وهذا مقطع نهاية الفيلم:

بنصحكم تحضروا الفيلم, فيلم رائع :)

حصاد العام: افضل ستاتوساتي 2010

Category 1-

·        ضايع بين دبلجة الكلام وفهم المعاني, بس من هون لحد ما التقي انا وحالي من جديد, حبيت اسجل وجود, بلا فهم المضامين ومحتلناتها, وجود ذاتي محض!

·        قليل من المطر, يشفي قلب الانسان...

·        بعجبني مزاجك الفكري المحدود, لانه كوميديتي المفضلة!

·        Defect in the photo, is an art in general :)

·        حسب رأيي, اذكى حركة اتخذتها اسرائيل لتثبيت اقدامها في المنطقة, واحتذت بها امريكا بعد ذلك في باقي صراعات المتوسط, هي دعم التيار الاسلامي, واسلمة النضال الوطني, بذلك شرعنت الصراعات الدائرة, على انها صراعات ايدلوجية دينية, لها تاريخ بعيد ولن تنتهي, لا على انها صراعات مقاومة ضد احتلال استعماري رأسمالي بحت, وبذلك رميت الازهار لهما شمالا ويمينا لصراعهم "المشروع" على الساحة الدولية...فعلا انزل لهم القبعة من حيث التكتيك!

• دايما رح يضل الجيل الصاعد اخلاقه مخزية انما الجيل السابق كان جيل خلوق, والاسعار بالزمنات كانت بكثير اكثر معقولة بينما اسعار اليوم مش طبيعية, دايما رح يضل زمان زمن الشرفاء وهاد الزمن زمن الاوغاد, بس بالنهاية باللفة الجاي للجيل, رح يصير الجيل الصاعد حاليا جيل خلوق, واسعار ايامنا معقولة, والجيل السابق حاليا تاريخ كتب منسي!

Category 2-

·        ستاتوس عامل حالو ستاتوس :D :P

·        قُل ربّي زدني بطشًا! :)

·        الاول من نيسان, فبحب ابشركم انه: فلسطين تحررت, وكل الدول العربية صارت دولة وحدة علمانية, وصار في عملة عربية موحدة اسمها العولر, وبقدرة القادر  انتصرنا على المشروع الامريكي في المنطقة, وتم اطلاق مكوك "عرب-ستار" للمريخ, وبالنسبة لالي شخصيا فعم بكمل دراساتي بالازهر الشريف!!!

·        لو شاافك دارويـــن وفر وقت الله...\

·        كل هل فص, على هل خرية ؟!!!!!!!!!

·        مجرد التفكير في النوم بعد ما تصحى الصبح...بشلخ ابو دينك وبجبرك ترجع تنام! الخلاصة بدي ارجع انام, مالني ومال المداومة الصباحية انا!

·        i just wanted to say to you \"go fuck your-self, so you get pregnant of your-self, so there will be 2 of you, i kill the first, and make the second watch, then make him do the same as you!\"

·        شو مع انه الكرة الارضية تشتغل محل الشمس بهلمجرة مثلا؟؟؟.....حريقة العادي

·        في الباص: من راقب الشارع مات زهقًا في الفيسبوك: من راقب بروفايلات الناس مات همًا في البيت: من راقب التلفزيون, \"נראה לי\" انه هو ميت اصلا

·        صايم صوم اداري!

·        ولله يا رفيق, الحياة مسخرة, وانت بطلها! :)

·          لو كانت الجامعة رجلاً, لقتلته! :)

·        ميلا فنسة لما البرق يكون اشي اخو فلااتة والرعد يطلع اشي فاشل !!

قصاصات ورق - الحلقة الاولى - عزيز بركات ومفهوم الحب

• قصاصات ورق هي سلسلة مواضيع لم تنقح ولم اجد التوليفة الكاملة للموضوع, هي مواضيع جَنينية غير مكتملة الكتابة, لكنها تستحق النشر برأيي لذا اقدمها بسلسلة خاصة "قصاصات ورق"!

في كل معادلات الحب, الافضل ان تبحث عن نقض للمعادلة, على ان تحاول ايجاد الجواب!

لكن المشكلة في هذه النظرة, هي ان استحالة النقض توازي استحالة الجواب, فنقض الحب هو بحد ذاته نقض للذات!

بعد بحث مطول وتفكير عميق اخرجت خلاله الحب من القالب الدارج وحللته بحيادية بحتة وبدون افكار مسبقة وحالات افتراضية, خرجت بنظرية لحل المشكلة, الا وهي الالحادية العشقية, اي الايمان بالحب كما هو بدون اضافات و اساطير, النظر للحب كفعل ورد فعل تماما كالسلام ورد السلام, وعدم النظر اليه "بعقدية" زائدة لا طائل منها!

 الحب, ليس احساسا مقدسا يصيب ارواحنا بدون سبب ودوافع, وكانه يوجد "كيوبيد" يلقي باسهم الحب بعشوائية وعدم نظام, ومتى ما اصابك زرع السهم في اعماق نفسك, وتعذر عليك نزعه بسهولة!

الحب كيمياء ممزوجة بعلم الرياضيات و"القليل" من المنطق. كيميائية الحب اثبتت ولا تزال تثبت في كثير من الابحاث المتواصلة عن هذا البارادوكس المسمى حب وتجاذب وعواطف! الرياضيات في الحب, هي ما نميل لتسميته "التعقل-العقل...", وهو عبارة عن حساب احتمالية حدوث العلاقة,حساب نجاعتها وطبعًا حساب الفوائد والمصالح المحققة منها ان كانت نفسية مادية جنسية او حتى حسابات سلطوية سياسية!

معادلة الحب هي جمع حاصل ضرب كل من (الكيمياء, الاحتمالية, النجاعة, الفوائد) بمعامل خاص!

قيمة المعاملات تنبع من الكيمياء الشخصية لكل انسان, ومن المنطق الذي يتخذه بوصلة في حياته!

لذلك نرى التنوعية الكبيرة بالحب, فلكل معاملاته الخاصة لفك رموز معادلة الحب, ممكن ان يصل التطرف في تنوع المعاملات ليصل ان يكون المعامل سالبا, فمثلا لنفرض اني انسان يعشق التحديات والتميز, لذلك ترى معامل الاحتمالية سالب, اي كلما زادت الاحتمالية لحدوث العلاقة, قلت حظوظ الفتاة بحبي لها, والعكس صحيح!

وايضا من هنا تنبع البارادوكسية العشقية, اي ان يبدو لك حب شخص ما غير مقبول, مع انه نابع من فرضيات مقبولة ربطت بروابط مقبولة!

الخلاصة, الحب معادلة, مفاتيح حلها بين يديك, من خلال المنطق الذي تتخذه تستطيع تغيير المعاملات, وبالتالي تحويل الحب الى ال لا حب, وبهذا حلت المشكلة, ووجدنا البارادوكس المفقود!

ستاتوسات شخبطية!

-4.12.2009اكتشفت ان ابحاري في افكاري لجمع شتات حالة فيسبوك "ستاتوس" جديدة, هو بحد ذاته حالة!

-20.12.2009القضية مش بالمعاني, ولا بالعمق الفلسفي للاشي, ولا حتى بتبعات وردود الاشي عل رأي العام والمجتمع الدولي والرباعية! بصراحة, بدي اكتبلك ستاتوس, بلا ولا شي!

-5.12.2009يتوجب علي ان اخلع ستاتوس, وفقا لما تمليه علي رغبتي بخلع ستاتوس, لذلك فهذا كان ستاتوس, زبدة الحديث: حققت رغبتي! :P

-8.10.2009رب امرئ عرف امرئ ثاني, لكن امرئ ثالثاً لم يعرفهما, لكنه بدوره عرف امرئ رابعا الذي عرف المرء الاول , وبهذا كل ال"امرئ"ات عرفت بعض هذه يا سادتي هي العولمة! :P



-15.11.2009انا ضد كل مع!

-11.12.2009Tomorrow is a new day; Yesterday, once, was a new day!!!

-17.11.2009السؤال الاخلاقي "بهل يومين", ليس هل انت انسان خيّر؟ بل هل انت انسان؟

-20.11.2009على راي زياد الرحباني, مش لحدا هل فَي, بس كل فَي سببها اشي ملك لحدا, فحتى الفَي مملوكة, فش اشي مش مملوك! حتى الملكية مملوكة لمعجم الكلمات!

-20.11.2009الخلل الرئيسي في مجتمعنا, اعتبار (التعددية والتنوع الفكري) تناقض


-13.11.2009انت, حب قد يبدو غير مقبولأ, مستمد من فرضيات قد تبدو مقبولة من خلال منطق قد يبدو مقبولا.

-15.11.2009
(الي بغدر يحلل هذا الستاتوس, بدي اعطي جائزة, ستاتوس لم يفهمه سواي)حسب الروابط المنطقية وحسب الايحاءات النسائية, انت مرفوص*ض, فالرجاء البدء بعملية الفرمتة والفرملة, حتى لا تدخل ضمن نطاق الجدلية البارادوكسية للحب وال لا حب المقبول, فتلخم رأسياً وتهوى افقياً, فلا يقوى اي اله خيالي نجدتك! لكن في حال استقبال اشارة ايجابية بشكل كافي قبل البدء بالعملية, فاتكل على احد الالهه, واعترف بالخطايا التي اقترفت, عل وعسى على محراب شفتيها طهرتك, بقبلة حياة وحب, قبل زوال الشمس, الى الابدية وما بعدها!

-29.11.2009معضلة الفهم المتبادل, انه دائما في عدم تفاهم, والاشارات متناقضة, فلو تثبت الاشارات باتجاه واحد, ممكن افهم لوين رايحين!!!

-30.11.2009في كل معادلات الحب, الافضل ان تبحث عن نقض للمعادلة, عن ان تحاول ايجاد الجواب!


-15.12.2009: ولعت كتير, خلصت ال*الدخان* وبعدها تلفنلي *نزار وقلي* بصراحة *انه هي* عايشة وحدا بلاك *فبقولوا يأستني و* الحالة تعبانة* تعال *دورها *قلي وك مجنون كنك ملحد كافر *فبقولو *انا مش كافر* بس *شو هل ايام الي وصلنالها؟؟؟

-23.12.2009حاسس انه بدو يصير للخرا مرا, ويعلنوا عن علاقتهم بالفيسبوك. وانه يصير للدبانة دكانة, وتفتحلها جروب "تضامن مع دكانة الدبانة ام وزي, ويييززززز", عاشت مصمص حرة



-16.11.2009اتاري الشبابيك وسيلة اتصال بشري مخيفة, لازم نطالب باختراع شبابيك مع كنبيات,شبابيك مصقوفة, او حتى شبابيك الها شبابيك! :P

-29.10.2009يا عمي البسس الجامعية مش طبيعية, لو بعيدة عنك الف متر وفي الف طالب وانت مشتري ساندويش طونا, بتدبق فيك وبتصير تتغزل بالساندويش تتعطيها اياه! ايييف :P


-
ضايع بين دبلجة الكلام وفهم المعاني, بس من هون لحد ما التقي انا وحالي من جديد, حبيت اسجل وجود, بلا فهم المضامين ومحتلناتها, وجود ذاتي محض!


-

سلسلة اهم دروس الحياة: المخطط الفاشل!

كيف تخطط لمخطط ناجح؟

*ملاحظة_وقائع لا يمكن دحضها:
-المخططات عامة تفشل

**الطريقة:
-خطط لمخطط فاشل
-المخطط الفاشل سوف يفشل, لانه مخطط قيد التنفيذ
-يفشل الفشل

-تنجح

***
ملاحظة: النجاح غير مضمون, لكن المضمون هو ان احتمال النجاح اعلى من الاحتمال العادي
ملاحظة هامة جدًا: لا يمكن التلاعب مع مخطط النجاح والفشل الاكبر, اذا خططت لمخطط فاشل لكي يفشل حتى تنجح, سوف ينجح الفشل وتفشل!!!


التجربة تمت بنجاح على فئران التجارب في مختبرات "فادي لاب", الانتقال الى البيئة الموسعة هو بواسطتكم!
****

الخلاصة:

!!!بارادوكس


ترقبوا حلقات الذكر القادمة, من دروس الحياة مع الدكتور فادي!
الاستنتاجات اعلاه, نتيجة بحث وتفكير متواصل داخل احد القاعات في الجامعة خلال حصة الرياضيات المنفصلة!

الهتي من تكون؟؟؟

- كل المحبين وان كانوا من كبار شعراء عصرهم, اعترفوا بعجزهم عن وصف "إلهاتهم" , فكيف لي انا ان اعبر وكلامي "سخيف" و مخزون كلماتي ضعيف, لكني ساعبر فما على الغريق عتب لو تعلق بقشة!
(العبارات الغير واضحة المعلمة ب *, مشروحة في الاسفل :P)--
كنت ولا زلت انسان محبًا للعزلة, لا محبًا لها بانطوائية, انما كثيرا ما يلزمني الكثير من الفراغ البشري, ذلك الفراغ المريح والمخلص من *بارادوكسية العلاقات البشرية وتحليلاتها, وتَبَعاتِها من مشاعر لا يطيقها انسان يقدس صفاء النفس والروح! فدائما ما ينتج, لكثرة هذه العلاقات وطبقيتها وتفرعاتها عدم انسجام بين الطرفين اصحاب معادلة العلاقة!
لكن دهشتي كانت شديدة, لدى اكتشافي ان احداً ما قد خرق هذه المعاهدة بيني وبين البشرية, ولايماني الشديد برصانة معاهداتي ومعادلاتي, فقد امنت وبشدة ان من "خرق معاهدتي" ليس بشراً, انما تكون الهتي التي لطالما بحثت عنها, ولم اجدها سوى في اوج خيالاتي واروع احلامي, ولربما وجدت اشكالًأ من صفات علاقتنا العتيدة لم تمسها بعد رومانسية شاعر او خيال روائي ,لذلك فالمعاهدة لم تخرق عملياً!
فتلك الاله دائما ما يكون مرحباً لها باختراق اي حدود وجدران ابنيها من حولي, فما ان انطوي على نفسي حتى اجد نفسي افكر فيها, بطيات شعرها, بعيناها, بكلامها بضحكها , بكل ما له علاقة بها, وتراني دوماً اتمنى ان اراها حتى ولو لثانية, حتى ازيد من مخزون صورها في ذاكرتي, ذاكرة تابى ان تنسى اي تفصيل يُسند لجلالة قدرها, حتى وان كان عابراً او ان كنت طرفًا ثانويًا في الذكرى!
لكن غطرسة الهه القدر, لرفضها تقديس اي الهة دونها, حال دون تذوقي نعيم عبادة الهتي في النور, لا في ظلال قرارة نفسي, فترى اله الزمن يقتحم تارةً واله البشر تارةً واله المطر تارةً اخرى, وتتعدد الاقتحامات وانا صامد, حتى تراهم شكلوا حلفًا* ابراهيمياُ ضد حبي وعبادتي لها!
عدا عن ذلك, فالهتي الحبيبة خجولٌ مترددة, او علها لا تراني بمقام يرقى لعبادتها, فتراها يومًا تُنزِل لي قراَن لاعبدها وتُنَزِلَ المعجزات لاقدسها, لكن في صبيحة اليوم التالي تراها اختفت واخفت قرأنها معها, وارسلت رُسٌلاً لاقناعي بضلال ايماني بها!
لكن ومن اجل يوم الحساب ومن اجل ترفعي عن *الكون مِن مَن ضلوا سبيلا, فارى من قدّسها وصلى لها وقبلت صلاته, يعيش في نعيم فردوسها, بينما اتصلى انا في جحيم اعمالي وترددي ,وحرارة ندمي وتلوعي! ف "و بالهتي", وفي اقرب ليلة غفران, سابوح و اعترف بكل الخطايا التي اقترفت, عل وعسى على محراب شفتيها طُهِرت, بقبلة حياة وحب, قبل زوال الشمس, الى الابدية وما بعدها. وان كان تقديسي وحبي خطيئة , فليكن!!!
..............
.........
......
...
.

*بارادوكسية: البارادوكس هو خاتمة قد تبدو غير مقبولة, مستمدة من فرضيات قد تبدو مقبولة من خلال منطق قد يبدو مقبولا.
*ابراهيميًا: اي الاله الابراهيمي, "الله" الاله في الديانات الاسلام المسيحية واليهودية
*الكون: ان اكون

_الموضوع لا يمت بصلة لاي موضوع ديني,الرجاء عدم الرد على اساسات دينية