15‏/09‏/2010

عياااااط ع جاليليو!

تم تجديد رابط الفيديو, بما انه كان ممحي!


انه الله يرحمك يا جاليليو, الله يريحك بقبرك ويعميك عن عمايل هل عالم بعد موتك!

انه يعني "عالم فلكي" معاصر, الي يعد من اتباعك عم بحكيلي انه الارض مسطحة وانه الارض اكبر من الشمس , انا قلت الزلمي مهلوس معلش, اما انه قلي انه القمر قطره 1200 مليون والشمس 2400, انه يا سلام, هيك لعبت ع مشاعري, انه شو قايسها بالمسطرة وطالعة معه بالميليمتر!
انه بس شو بدك تعمله اااه؟ فهمني! انه ستالايت وطلعتلو, القمر وتشعبطنا لاجله, مراكب ومكوكات فضائية وسلخنا بكعب هل سما, وصلنا ابو حنتريش الكون, وبقلي الارض مسطحة!
انه شو بدك تعمله اكثر يا جاليليو, ان نزلتله بنطلونك وفصعتله بقلك لوطي وبتهز عرش الله وبتحاول تعمل الاعيب علي, واذا اشتريتلو مكوك وطلعته بنفسك عل قمر يتفرج على كروية الارض, بقلك هاي اعمال من رجس الشيطان وفتن مسحورة!
انت الثاني يا جاليليو الله يسامحك, شو الله جبرك عل هبل الي عملته بحياتك, انه تفزلكلي نظريات وتعملي ابحاث وتبني تلسكوبات, وبالاخر نفوك ومتت جوع!
مش لو فزلكتلك شي كتاب مقدس وعملت فيها نبي مش اشرف, واكتب بهل كتاب شو بدك, اكتب الارض بطيخة والشمس زي نحلة بتلف حواليها, واكتب انه في "يونيكورن" خلي المراهقات يكيفو, واكتب انه الفياجرا حرام وبس انت استعملها عشان تكون زي النمر بعنين الي ما يصلي عل نبي, وبرضو كان زبطت وضعك, انه نبي فلازم يزبطوك وفي الك معجبات والناس بتعطيك مصاري والحالة حالة!
لازم تعملي فيها علّامة ووحش وفهمان, كان لازم درست الموقف ودرست عقول البشر وطباعهم, ولعبت فيهم زي حجار الشطرنج (شيخمت: عفكرة التسمية عربية مأخودة من <الشيخ مات>) وسيستهم على كيفك وحتى تفوتهم حروب باسمك, ولله كان بفدوك, بس ولله انك حماااار شو بدنا نقول, بتدج الكلام دج!
على كل حال, ما بجوز عليك الا الرحمة, فرحمة الله عليك, والله يصبرك بقبرك علينا!!


(تنويه: انا لم ولن اقصد الهجوم على الدين والمتدينين, فقط على اشكال هذا الباحث الفلكي الفذ)

ليست هناك تعليقات:

إرسال تعليق